കൊയിലാണ്ടി: വില്‍പ്പനക്കായി കടയിലെത്തിച്ച കോഴികളെ തെരുവുനായ്ക്കള്‍ കടിച്ചുകൊന്നു. കഴിഞ്ഞ ദിവസം പുലര്‍ച്ചെയാണ് സംഭവം.
കൊയിലാണ്ടി മാര്‍ക്കറ്റിലെ എംപീസ് ചിക്കന്‍ സ്റ്റാളിലെ 15 കോഴികളെയാണ് തെരുവുനായ്ക്കള്‍ കടിച്ചത്. പുലര്‍ച്ചെ കടയുടെ സമീപം പെട്ടിയില്‍ ഇറക്കി വച്ചതായിരുന്നു.
മാര്‍ക്കറ്റിലും പരിസരത്തും തെരുവുനായ്ക്കളുടെ ശല്യം രൂക്ഷമായിരിക്കുകയാണ്. സമീപത്തെ ഒഴിഞ്ഞ കെട്ടിടങ്ങളാണ് തെരുവുനായ്ക്കളുടെ വിഹാര കേന്ദ്രം. കഴിഞ്ഞ ദിവസം മുത്താമ്പി വൈദ്യരങ്ങാടിയില്‍ നൂറിലേറെ കോഴികളെ തെരുവുനായ്ക്കള്‍ കടിച്ചുകൊന്നിരുന്നു.