പാലക്കാട്: ജില്ലയില്‍ പൊതുവെ പോളിംങ് സമാധാനപരമായിരുന്നെങ്കിലും ചിറ്റൂരില്‍ ജനതാദള്‍ എസ് പ്രവര്‍ത്തകരും സി.പി.എം പ്രവര്‍ത്തകരുമായുണ്ടായ സംഘര്‍ഷത്തില്‍ രണ്ട് പേര്‍ക്ക് വെട്ടേറ്റു. ജനതാദള്‍ എസ് പ്രവര്‍ത്തകരായ കുറ്റിപ്പള്ളം വാക്കിനിചള്ള സ്വദേശികളും സഹോദരങ്ങളുമായ സന്തോഷ് (28), സാജന്‍ (25) എന്നിവര്‍ക്കാണ് വെട്ടേറ്റത്. ഇവരെ വിളയോടിയിലെ സ്വകാര്യ മെഡിക്കല്‍ കോളജില്‍ പ്രവേശിപ്പിച്ചു. ഇരുവരും ജനതാദള്‍ എസ് പ്രവര്‍ത്തകരാണ്. കാലങ്ങളായി നിലനില്‍ക്കുന്ന സി.പി.എം-ജനതാദള്‍ എസ് തര്‍ക്കത്തിന്റെ ഭാഗമാണ് അക്രമമെന്നറിയുന്നു. അതേസമയം ഇന്നലെയുണ്ടായ സംഘര്‍ഷം മണലെടുപ്പുമായി ബന്ധപ്പെട്ടുള്ള തര്‍ക്കമാണെന്നും രാഷ്ട്രീയമല്ലെന്നും ചിറ്റൂര്‍ പൊലിസ് പറഞ്ഞു.