പെരിന്തല്‍മണ്ണ: സംസ്ഥാന കരാട്ടെ ചാംപ്യന്‍ഷിപ്പില്‍ പെരിന്തല്‍മണ്ണ യോക്കോക്കാന്‍ കരാട്ടെ ക്ലബ് ചാംപ്യന്‍മാരായി. ഒക്ടോബര്‍ 29,30 തിയതികളിലായി പെരിന്തല്‍മണ്ണയില്‍ നടന്ന ചാംപ്യന്‍ഷിപ്പ് നഗരസഭാ ചെയര്‍മാന്‍ എം. മുഹമ്മദ് സലീം ഉദ്ഘാടനം ചെയ്തു.
പി. ജോണ്‍സണ്‍ അധ്യക്ഷനായി. കൗണ്‍സിലര്‍മാരായ കിഴിശ്ശേരി മുസ്തഫ, തെക്കത്ത് ഉസ്മാന്‍, കരാട്ടെ ചാന്ദ്രന്‍ മാസ്റ്റര്‍, വി.ഡി സബി സംസാരിച്ചു. ജൂനിയര്‍ വിഭാഗത്തില്‍ തൃശൂര്‍ ദേവമാതാ സി.ഐ.എം ഹയര്‍സെക്കന്‍ഡറി സ്‌കൂളിനാണ് വിജയം. കോഴിക്കോട് പയ്യോളി ഹയര്‍സെക്കന്‍ഡറി സ്‌കൂളിന് രണ്ടണ്ടും പുത്തനങ്ങാടി സെന്റ്‌മേരീസ് സ്‌കൂളിന് മൂന്നും സ്ഥാനങ്ങള്‍ ലഭിച്ചു.
സീനിയര്‍ വിഭാഗത്തില്‍ പെരിന്തല്‍മണ്ണ യോക്കോക്കാന്‍ കരാട്ടെ ക്ലബിനാണ് വിജയം. കോട്ടക്കല്‍ ഷോട്ടോക്കാന്‍ കരാട്ടെ ക്ലബ് രണ്ടാം സ്ഥാനവണ്ടും തൃശൂര്‍ ഷോട്ടോക്കാന്‍ കരാട്ടെ ക്ലബ് മൂന്നാം സ്ഥാനവും നേടി. വിജയികള്‍ക്ക് ഫലിപ്പോസ്, കെ.കെ റഫീഖ്, വി.ഡി ഷാജി, രവി, പ്രണവ്, പ്രജിത്ത് എന്നിവര്‍ സമ്മാനങ്ങള്‍ വിതരണം ചെയ്തു.