മലപ്പുറം: എസ്.കെ.എസ്.എസ്.എഫ് ജില്ലാ കമ്മറ്റി ഫെബ്രുവരിയില്‍ മഞ്ചേരിയില്‍ നടത്തുന്ന മദീന പാഷന്‍ സമ്മേളനത്തിന്റെ ഖത്തറിലെ പ്രചരണ പ്രവര്‍ത്തനങ്ങള്‍ക്കു തുടക്കമായി. സമ്മേളനത്തിന്റെ ഭാഗമായി മലപ്പുറത്തു നിര്‍മിക്കുന്ന ജില്ലാ ആസ്ഥാനത്തിന്റെ നിര്‍മാണത്തിലേക്ക് കമ്മിറ്റി നല്‍കുന്ന പ്രവര്‍ത്തകന്റെ ഒരു ദിവസ വേതനം പദ്ധതി ജില്ലാ ആക്ടിങ് പ്രസിഡന്റ് മന്‍സൂര്‍ കോഡൂര്‍ സംസ്ഥാന ഇബാദ് ചെയര്‍മാന്‍ പാണക്കാട് സയ്യിദ് അബ്ബാസലി ശിഹാബ് തങ്ങള്‍ക്കു നല്‍കി ഉദ്ഘാടനം ചെയ്തു. കേരള ഇസ്‌ലാമിക് സെന്റര്‍ സെക്രട്ടറി ഇസ്മാഈല്‍ ഹുദവി, വൈസ് പ്രസിഡന്റ് മുഹമ്മദലി ഖാസിമി, ഖത്തര്‍ ചാപ്റ്റര്‍ പ്രസിഡന്റ് മുനീര്‍ ഹുദവി, അബ്ദുല്‍ മജീദ് ഹുദവി, അബൂബക്കര്‍ ഹുദവി, സുബൈര്‍ ഫൈസി കട്ടുപ്പാറ, ഹുസ്സൈന്‍ റഹ്മാനി ചെമ്മാണിയോട്, സയ്യിദ് അന്‍വര്‍ തങ്ങള്‍ നിഹാദ് ചങ്ങരംകുളം, സലാം ഒളകര, അസ്‌ലം കക്കോവ്, ഫദലു സാദത്ത് നിസാമി, ആസിഫ് മാരാമുറ്റം സംസാരിച്ചു.