കല്‍പ്പറ്റ: ഇന്‍ഫര്‍മേഷന്‍ ആന്‍ഡ് പബ്ലിക് റിലേഷന്‍സ് വകുപ്പ് സംഘടിപ്പിക്കുന്ന മലയാള ദിനാഘോഷവും ഭരണഭാഷാ വാരാചാരണത്തിന്റെ ജില്ലാതല ഉദ്ഘാടനവും ഇന്ന് ഏച്ചോം സര്‍വോദയ ഹയര്‍ സെക്കന്‍ഡറി സ്‌കൂളില്‍ നടക്കും. രാവിലെ 10.30ന് നടക്കുന്ന പരിപാടി എഴുത്തുകാരി സി.എസ് ചന്ദ്രിക ഉദ്ഘാടനം ചെയ്യും. ജില്ലാ കലക്ടര്‍ ഡോ. ബി.എസ് തിരുമേനി അധ്യക്ഷനാകും. മത്സര വിജയികള്‍ക്കുള്ള സമ്മാന വിതരണവും അദ്ദേഹം നിര്‍വഹിക്കും. ഹരിതവിദ്യാലയം പ്രവര്‍ത്തനോദ്ഘാടനം പനമരം പഞ്ചായത്ത് പ്രസിഡന്റ് ലിസി തോമസ് നിര്‍വഹിക്കും. ഇതോടനുബന്ധിച്ച് ഏച്ചോം സര്‍വോദയ ഹയര്‍ സെക്കന്‍ഡറി സ്‌കൂള്‍ വിദ്യാര്‍ഥികള്‍ അവതരിപ്പിക്കുന്ന കേരള ഗാനം, കവിതാലാപനം, നാടന്‍പാട്ട്, അറിവുട ട്രൈബല്‍ ബോര്‍ഡിങ് തുടി കലാകേന്ദ്രം അവതരിപ്പിക്കുന്ന വട്ടക്കളി എന്നിവ അരങ്ങേറും.