കാസര്‍കോട്: രാജ്യത്ത് വളര്‍ന്നുവരുന്ന വര്‍ഗീയ വിദ്വേഷത്തിനും തീവ്രവാദത്തിനുമെതിരെ പോരാടാനുള്ള ഊര്‍ജമാവണം ഇന്ദിരാഗാന്ധിയുടെ ജീവിതത്തില്‍ നിന്നും ഉള്‍ക്കൊള്ളേണ്ടതെന്ന് ഡി.സി.സി പ്രസിഡന്റ് അഡ്വ.സി കെ ശ്രീധരന്‍ അഭിപ്രായപ്പെട്ടു. ഇന്ദിരാഗാന്ധി രക്തസാക്ഷിത്വ ദിനത്തോടനുബന്ധിച്ചു ഡി.സി.സി ഓഫിസില്‍ നടന്ന ഇന്ദിരാഗാന്ധി അനുസ്മരണം ഉദ്ഘാടനം ചെയ്യുകയായിരുന്നു അദ്ദേഹം. ഇന്ദിരാഗാന്ധിയുടെ ഛായാചിത്രത്തിനു മുന്നില്‍ നേതാക്കള്‍ പുഷ്പാര്‍ച്ചന നടത്തി. കെ.പി.സി.സി സെക്രട്ടറി കെ. നീലകണ്ഠന്‍, പി.എ അഷ്‌റഫലി, എം.സി പ്രഭാകരന്‍, അഡ്വ. എ. ഗോവിന്ദന്‍ നായര്‍, ബാലകൃഷ്ണന്‍ പെരിയ സംബന്ധിച്ചു.
നീലേശ്വരം: ഐ.എന്‍.ടി.യു.സി തൃക്കരിപ്പൂര്‍ നിയോജക മണ്ഡലം കമ്മിറ്റിയുടെ നേതൃത്വത്തില്‍ ഇന്ദിരാഗാന്ധി അനുസ്മരണം നടത്തി. കെ.പി.സി.സി ജനറല്‍ സെക്രട്ടറി കെ.പി കുഞ്ഞിക്കണ്ണന്‍ ഉദ്ഘാടനം ചെയ്തു. വി.കെ കുഞ്ഞിരാമന്‍ അധ്യക്ഷനായി. നീലേശ്വരം, കിനാനൂര്‍ കരിന്തളം മണ്ഡലം കമ്മിറ്റികളും അനുസ്മരണം നടത്തി.
കാഞ്ഞങ്ങാട് നടന്ന ദിനാചരണത്തില്‍ അഡ്വകറ്റ് എം.സി ജോസ് ഉള്‍പ്പെടെയുള്ള നിരവധി കോണ്‍ഗ്രസ് നേതാക്കള്‍ സംബന്ധിച്ചു. പ്രവാസി കോണ്‍ഗ്രസ് ജില്ലാ കമ്മിറ്റിയുടെ നേതൃത്വത്തില്‍ പുതിയ കോട്ട നന്ദനം ടവറിലെ പ്രവാസി ഭവനില്‍ നടന്ന ഇന്ദിരാജി അനുസ്മരണവും പുഷ്പാര്‍ച്ചന ചടങ്ങും ഡി.സി.സി ജനറല്‍ സെക്രട്ടറി എം.അസിനാര്‍ ഉദ്ഘാടനം ചെയ്തു.
ജില്ലാ പ്രസിഡന്റ് പത്മരാജന്‍ ഐങ്ങോത്ത് അധ്യക്ഷനായി. ബ്ലോക്ക് കോണ്‍ഗ്രസ്സ് ജനറല്‍ സെക്രട്ടറിമാരായ കെ.പി മോഹനന്‍, പ്രവീണ്‍ തോയ്യമ്മല്‍, മണ്ഡലം പ്രസിഡന്റ് എം. കുഞ്ഞികൃഷ്ണന്‍, സതീശന്‍ ആവിയില്‍, നിധീഷ് കാഞ്ഞങ്ങാട് സൗത്ത്, രജ്ഞിത്ത് ഐങ്ങോത്ത്, നിയാസ് ഹൊസ്ദുര്‍ഗ് വിക്രമന്‍ സൗത്ത് തുടങ്ങിയവര്‍ ചടങ്ങില്‍ സംസാരിച്ചു.
ഉദുമ മണ്ഡലം ഇരുപത്തിയൊന്നാം വാര്‍ഡ് കോണ്‍ഗ്രസ് കമ്മിറ്റി നേതൃത്വത്തില്‍ നടന്ന ചടങ്ങ് പഞ്ചായത്ത് അംഗം കെ.വി.അപ്പു ഉദ്ഘാടനം ചെയ്തു. വാര്‍ഡ് പ്രസിഡന്റ് എസ്.വി. അബ്ദുല്ല അധ്യക്ഷനായി. സി.കെ.ഭാസ്‌കരന്‍ മുഖ്യപ്രഭാഷണം നടത്തി.എസ്.പ്രവിരാജ്, കടപ്പുറം ജിത്തു, പി.പി.രജീഷ് തുടങ്ങിയവര്‍ സംസാരിച്ചു.
മാവുങ്കാല്‍ മൂലക്കണ്ടം പ്രദേശത്ത് നടന്ന ചടങ്ങില്‍ സര്‍വ്വമത പ്രാര്‍ത്ഥനയും അനുസ്മരണവും നടന്നു. അഡ്വകറ്റ്. ടി.കെ.സുധാകരന്‍ ചടങ്ങു ഉദ്ഘാടനം ചെയ്തു. മണ്ഡലം പ്രസിഡന്റ് അരവിന്ദാക്ഷന്‍ നായര്‍ അധ്യക്ഷനായി.
പുല്ലൂര്‍ പെരിയ മണ്ഡലം കോണ്‍ഗ്രസ് നേതൃത്വത്തില്‍ പുല്ലൂരില്‍ നടന്ന അനുസ്മരണ ചടങ്ങ് കെ.പി.സി.സി നിര്‍വ്വാഹക സമിതി അംഗം പി.ഗംഗാധരന്‍ നായര്‍ ഉദ്ഘാടനം ചെയ്തു.
പെരിയയില്‍ നടന്ന ചടങ്ങ് ഡി.സി.സി പ്രസിഡന്റ് അഡ്വകറ്റ്. സി.കെ ശ്രീധരന്‍ ഉദ്ഘാടനം ചെയ്തു. ടി.രാമകൃഷ്ണന്‍ അധ്യക്ഷനായി.
വിവിധ പ്രദേശങ്ങളില്‍ നടന്ന അനുസ്മരണ ചടങ്ങില്‍ ജില്ലാ നേതാക്കളും പ്രവര്‍ത്തകരും സംബന്ധിച്ചു