ചെറുതുരുത്തി: ചേലക്കര നിയോജക മണ്ഡലത്തില്‍ തികഞ്ഞ വിജയപ്രതീക്ഷയാണുള്ളതെന്ന് ഇടത് വലത് മുന്നണി സ്ഥാനാര്‍ഥികള്‍. വിജയം ഉറപ്പെന്ന് ദേശമംഗലം പഞ്ചായത്തിലെ ഇരുപത്തി രണ്ടാം ബൂത്തില്‍ വോട്ട് രേഖപ്പെടുത്തിയതിന് ശേഷം പ്രദീപ് പറഞ്ഞു.  
കൂട്ടായ പ്രവര്‍ത്തന മാണ് നടത്തിയതെന്നും  കെ. രാധാകൃഷ്ണന്‍ കഴിഞ്ഞ  20 വര്‍ഷമായി  മണ്ഡലത്തില്‍ നടത്തിയ വികസന പ്രവര്‍ത്തനം തനിക്ക് കൂട്ടാകുമെന്നും  പ്രദീപ്  കൂട്ടിചേര്‍ത്തു. യു.ഡി.എഫ് സ്ഥാനാര്‍ഥി കെ.എ തുളസി  ഷൊര്‍ണൂരിലാണ് വോട്ട് രേഖപ്പെടുത്തിയത്. മണ്ഡലത്തില്‍ വിജയം ഉറപ്പാണെന്നും തുളസി പറഞ്ഞു.