നെടുമ്പാശ്ശേരി: മോഷണ കേസില്‍ പ്രതിയായ തമിഴ്‌നാട് സ്വദേശിയായ യുവതി ലുക്കൗട്ട് നോട്ടീസിനെ തുടര്‍ന്ന് നെടുമ്പാശ്ശേരി അന്താരാഷ്ട്ര വിമാനത്താവളത്തില്‍ പിടിയിലായി. ചെന്നൈ അവതാര്‍ പൊലിസ് സ്റ്റേഷനില്‍ മോഷണക്കേസില്‍ പ്രതിയായ യുവതിയാണ് നെടുമ്പാശേരി വിമാനത്താവളത്തില്‍ എമിഗ്രേഷന് വിഭാഗത്തിന്റെ പിടിയിലായത്.
ചെന്നൈ ശ്രീനഗര്‍ കോളനിയില്‍ സിന്ദുജ വെങ്കിട്ടരാമന്‍ (29) ആണ് പിടിയിലായത്. ഞായറാഴ്ച്ച രാത്രി 11.30ന് എയര്‍ റഷ്യ വിമാനത്തില്‍ നെടുമ്പാശേരി വിമാനത്താവളത്തിലെത്തിയപ്പോഴാണ് എമിഗ്രേഷന്‍ വിഭാഗത്തിന്റെ പിടിയിലായത്. നെടുമ്പാശേരി പൊലിസിന് കൈമാറിയ പ്രതിയെ പിന്നീട് ചെന്നൈ പൊലിസ് എത്തി കസ്റ്റഡിയിലെടുത്തു.