തിരുവനന്തപുരം: സര്‍ക്കാര്‍ പ്രവാസി മലയാളികളുടേത് അടക്കമുള്ള പ്രശ്‌നങ്ങളില്‍ പരിഹാരം കാണാന്‍ പ്രഥമ പരിഗണന നല്‍കണമെന്ന് മുസ്‌ലിം ലീഗ് നിയമസഭാ കക്ഷി നേതാവ് പി.കെ കുഞ്ഞാലിക്കുട്ടി. കേരള രൂപീകരണത്തിന്റെ 60ാം വാര്‍ഷികത്തില്‍ ചേര്‍ന്ന പ്രത്യേക നിയമസഭാ സമ്മേളനത്തില്‍ സംസാരിക്കുകയായിരുന്നു അദ്ദേഹം.

സംസ്ഥാനം നേടിയ വലിയ നേട്ടങ്ങള്‍ക്ക് പിന്നില്‍ പ്രവാസി മലയാളികളുടെ സംഭാവന ചെറുതല്ല. പ്രവാസികളുടെ പ്രശ്‌നം ഭാവിയില്‍ നാം പരിഹരിക്കേണ്ടി വരും. എല്ലാ കാലത്തും പ്രവാസി സഹായം കേരളത്തിനു ലഭിക്കണമെന്നില്ല. അതിനാല്‍ അവരുടെ പ്രശ്‌നങ്ങള്‍ക്ക് പരിഹാരം കാണേണ്ടതുണ്ടെന്നും ഇക്കാര്യം പുനര്‍ചിന്തിക്കേണ്ടതാണെന്നും കുഞ്ഞാലിക്കുട്ടി ചൂണ്ടിക്കാട്ടി.