നിലമ്പൂര്‍: മണ്ഡലത്തില്‍ പതിനായിരത്തിലധികം വോട്ടുകളുടെ ഭൂരിപക്ഷത്തില്‍ ജയിക്കുമെന്നു യു.ഡി.എഫ് സ്ഥാനാര്‍ഥി ആര്യാടന്‍ ഷൗക്കത്ത്. നിലമ്പൂര്‍ വീട്ടിക്കുത്ത് ഗവ.എല്‍.പി സ്‌കൂളില്‍ വോട്ട് ചെയ്ത ശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം. യു.ഡി.എഫിന് അനുകൂല സാഹചര്യമാണുള്ളത്. പണാധിപത്യത്തിനെതിരേയാണ് ജനം വിധിയെഴുതുന്നതെന്നും ഷൗക്കത്ത് പറഞ്ഞു.
എന്നാല്‍, നിലമ്പൂരില്‍ ഇക്കുറി എല്‍.ഡി.എഫിനുള്ളതാണെന്ന് എല്‍.ഡി.എഫ് സ്വതന്ത്ര സ്ഥാനാര്‍ഥി പി.വി അന്‍വര്‍ പറഞ്ഞു. വോട്ട് ചെയ്ത ശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം. കുടുംബവാഴ്ച അവസാനിപ്പിക്കാനും നിലമ്പൂരില്‍ മാറ്റംവരുത്താനും വോട്ടര്‍മാര്‍ തയാറായിട്ടുണ്ടെന്നും അന്‍വര്‍ പറഞ്ഞു.