തിരൂരങ്ങാടി: കാലിക്കറ്റ് സര്‍വകലാശാല ദ്വിദിന ബി.സോണ്‍ കബഡി ചാമ്പ്യന്‍ഷിപ്പിനു കുണ്ടൂര്‍ പി.എം.എസ്.ടി കോളജില്‍ തുടക്കമായി. തിരൂരങ്ങാടി ബ്ലോക്ക് പ്രസിഡണ്ട് കെ.കലാം മാസ്റ്റര്‍ ഉദ്ഘാടനം ചെയ്തു. പ്രിന്‍സിപ്പാള്‍ മേജര്‍ കെ ഇബ്രാഹിം അധ്യക്ഷനായി. കാലിക്കറ്റ് സര്‍വ്വകലാശാല ഖൊഖൊ കബഡി കോച്ച് ഡോ.സി കേശവദാസ്, എന്‍.പി ആലിഹാജി, എം.സി ബാവഹാജി, ബ്ലോക്ക് അംഗം ടി.ടി.ഹംസ, എം.സി ഹംസക്കുട്ടി, ചെറിയാപ്പുഹാജി, അബുമാസ്റ്റര്‍, പ്രൊഫ.ഹബീബ്‌റഹ്മാന്‍, പ്രൊഫ. ഷുക്കൂര്‍ ഇല്ലത്ത്, നൂഹ് കരിങ്കപ്പാറ, വി.പി അജ്‌നാസ്, ഫര്‍സീന്‍ അഹമ്മദ് സംസാരിച്ചു.
വെളിയങ്കോട് എം.ടി.എം, വളയംകുളം അസ്സബാഹ്, മമ്പാട് എം.ഇ.എസ്, പൊന്നാനി എം.ഇ.എസ് സെമിയിലേക്ക് കടന്നു. മത്സരങ്ങള്‍ ഇന്നു രാവിലെ ആരംഭിക്കും.