കാഠ്മണ്ഡു: നേപ്പാള്‍ സന്ദര്‍ശിക്കുന്ന രാഷ്ട്രപതി പ്രണബ് മുഖര്‍ജി നേപ്പാള്‍ പ്രധാനമന്ത്രി പ്രചണ്ഡയുമായി കൂടിക്കാഴ്ച്ച നടത്തി. നേപ്പാളില്‍ ജനാധിപത്യം പടുത്തുയര്‍ത്തുന്നതില്‍ എല്ലാ വിഭാഗങ്ങളുടേയും പ്രാതിനിധ്യം ഉറപ്പാക്കണമെന്ന് രാഷ്ട്രപതി പ്രണബ് മുഖര്‍ജി നേപ്പാളിനോട് ആവശ്യപ്പെട്ടു.

നേപ്പാളിന്റെ പുരോഗതിയാണ് ഏറ്റവും അടുത്ത അയല്‍രാജ്യമെന്ന നിലയില്‍ ഇന്ത്യ ആഗ്രഹിക്കുന്നതെന്നും അദ്ദേഹം പറഞ്ഞു.

ഇന്ന് നേപ്പാളിലെ മദേശി മേഖലയും രാഷ്ട്രപതി സന്ദര്‍ശിക്കും. ഇവിടത്തെ പ്രശസ്തമായ ജാനകി ക്ഷേത്രത്തിലത്തെിയ ശേഷം മദേശി നേതാക്കളും പൗരസംഘടനകളും നല്‍കുന്ന സ്വീകരണത്തിലും രാഷ്ട്രപതി പങ്കുചേരും.

മൂന്ന് ദിവസത്തെ സന്ദര്‍ശനത്തിനായാണ് രാഷ്ട്രപതി നേപ്പാളില്‍ എത്തിയിരിക്കുന്നത്. 18 വര്‍ഷത്തിന് ശേഷം ഇതാദ്യമാണ് ഒരു ഇന്ത്യന്‍ രാഷ്ട്രപതി നേപ്പാളില്‍ എത്തുന്നത്.