ഇരിട്ടി: ചതിരൂര്‍ വനത്തില്‍ കാട്ടാനയെ വെടിവച്ചുകൊന്ന കേസിലെ  പ്രതിയുടെ വീട്ടില്‍ വനംവകുപ്പ് നടത്തിയ പരിശോധനയില്‍ രണ്ടു കാട്ടുപന്നിയുടെ തേറ്റ കണ്ടെത്തി. കീഴ്പ്പളളി ചതിരൂരിലെ വള്ളാപ്പാണിയില്‍ ഷാജീസ് മാത്യുവിന്റെ വീട്ടില്‍ നിന്നാണ് ഇവ കണ്ടെത്തിയത്. ആനയെ വെടിവച്ചു കൊന്ന കേസില്‍ പ്രതിയായ ഷാജീസ് മാത്യു ഒളിവിലാണ്. ഡി.എഫ്.ഒയുടെ പരിശോധനാ വാറന്റോടെയാണ് വനംവകുപ്പു സംഘം എത്തിയത്.
 വിട്ടിനുള്ളിലെ പെട്ടിയില്‍ സൂക്ഷിച്ച നിലയിലായിരുന്നു നാലു തേറ്റകളും. ആനയെ വെടിവച്ചു കൊന്ന കേസില്‍ നേരത്തെ അറസ്റ്റിലായ പരിപ്പുതോട്ടെ സലാം, ഡി സുഭാഷ് എന്നിവരുടെ മൊഴിയുടെ അടിസ്ഥാനത്തിലാണ് ഷാജീസ് മാത്യുവിനെ പ്രതിചേര്‍ത്തത്.
വെടിവയ്ക്കാന്‍ ഉപയോഗിച്ച തോക്ക് ഷാജീസ് മാത്യുവിന്റെതാണെന്ന മൊഴിയുടെ അടിസ്ഥാനത്തിലായിരുന്നു പരിശോധന.