മാള: വിദ്യഭ്യാസ ഉപജില്ല  ശാസ്ത്ര,ഗണിത ശാസ്ത്ര,സാമൂഹ്യ ശാസ്ത്ര,ഐടി പ്രവര്‍ത്തി പരിചയ മേള സമാപിച്ചു.അഷ്ടമിച്ചിറ ഗാന്ധി സ്മാരക ഹൈസ്‌കൂളില്‍ മൂന്ന് ദിവസങ്ങളിലായി നടന്ന  മേളയില്‍ മാമ്പ്ര യൂനിയന്‍ ഹയര്‍ സെക്കന്‍ഡറി സ്‌കൂള്‍ ചാംപ്യന്‍മാരായി.ഹയര്‍ സെക്കന്‍ഡറി വിഭാഗം ശാസ്ത്ര മേളയിലും സാമൂഹ്യ ശാസ്ത്ര മേളയിലും മാമ്പ്ര യൂണിയന്‍ ഹയര്‍ സെക്കന്‍ഡറി സ്‌കൂള്‍ കിരീടം ചൂടി.ശാസ്ത്ര മേളയില്‍ 31 പോയിന്റ് നേടിയാണ് സ്‌കൂള്‍ ഒന്നാം സ്ഥാനം നേടിയത്. സ്റ്റില്‍ മോഡല്‍,വര്‍ക്കിങ് മോഡല്‍,ഇംപ്രവൈസ്ഡ് മോഡല്‍  എന്നിവയില്‍ മാമ്പ്ര  സ്‌കൂളിനാണ് ഒന്നാം സ്ഥാനം. 30 പോയിന്റ് നേടിയ മാള സെന്റ് ആന്റണീസിനാണ് രണ്ടാം സ്ഥാനം.സാമൂഹ്യ ശാസ്ത്ര മേളയില്‍ 41 പോയിന്റ് വീതംനേടി മാള  സൊക്കോര്‍സോ ഹൈസ്‌കൂളും മാമ്പ്ര  യൂണിയന്‍ ഹയര്‍ സെക്കന്‍ഡറി സ്‌കൂളും ഒന്നാം  സ്ഥാനം പങ്കിട്ടു.30 പോയിന്റ് നേടിയ കുഴിക്കാട്ട്ശ്ശരി സെന്റ് മേരീസ് സ്‌കൂളിനാണ് രണ്ടാം സ്ഥാനം. അഷ്ടമിച്ചിറ ഗാന്ധി സ്മാരക ഹൈസ്‌കൂള്‍ ഹെഡ്മിസ്ട്രസ് ഒ.എന്‍ ഗിരിജ സ്വാഗതം പറഞ്ഞു. സമാപന സമ്മേളനം മാള ബ്ലോക്ക് പഞ്ചായത്ത് പ്രസിഡന്റ് വര്‍ഗ്ഗീസ് കാച്ചപ്പിള്ളി  ഉദ്ഘാടനം ചെയ്തു. മാള ഗ്രാമപഞ്ചായത്ത് പ്രസിഡന്റ് പി.കെ സുകുമാരന്‍ അധ്യക്ഷനായി. മാള എ.ഇ.ഒ സി.കെ രാജന്‍ ട്രോഫി വിതരണം നടത്തി.