ശ്രീനഗര്‍: ജമ്മു കശ്മിരിലെ ഷോപ്പിയാനിലുണ്ടായ ഏറ്റുമുട്ടലില്‍ ഒരു ഭീകരനെ വധിച്ചു. ഇന്നലെ അര്‍ധരാത്രിയോടെ ഉണ്ടായ ഏറ്റുമുട്ടലിലാണ് ഭീകരന്‍ കൊല്ലപ്പെട്ടത്. വെടിവെപ്പിനിടെ രണ്ട് ഇന്ത്യന്‍ സൈനികര്‍ക്ക് പരുക്കേല്‍ക്കുകയും ചെയ്തിട്ടുണ്ട്.

ഷോപ്പിയാനിലെ വാംഗാമം ഗ്രാമത്തില്‍ അര്‍ധരാത്രിയോടെയാണ് ഏറ്റുമുട്ടല്‍ ഉണ്ടായത്. 62 രാഷ്ട്രീയ റൈഫിള്‍ സേനയും ജമ്മു കശ്മിര്‍ പൊലിസും സംയുക്തമായാണ് ആക്രമണം നടത്തിയത്. എ.കെ 47 റൈഫിളുകളുള്‍പ്പെടെ ആയുധങ്ങള്‍ പിടിച്ചെടുത്തിട്ടുണ്ട്.

ശനിയാഴ്ച്ച ഷോപ്പിയാനില്‍ ഉണ്ടായ ഏറ്റുമുട്ടലില്‍ സൈന്യം ഒരു ഭീകരനെ വധിച്ചിരുന്നു.