റിയാദ്: സഊദിയുടെ കിഴക്കന്‍ പ്രവിശ്യയിലെ അല്‍ ഹസ്സയില്‍ നടന്ന വാഹനാപകടത്തില്‍ മലയാളി യുവാവ് മരിച്ചു. തിരുവനന്തപുരം വിതുര തോട്ടുമുക്ക് തിരുവല്ലം വീട്ടില്‍ ഷഫീര്‍ (26) ആണ് മരിച്ചത്. ഷഫീര്‍ ഓടിച്ചിരുന്ന കാര്‍ ട്രയിലറിന്റെ പിന്നില്‍ ഇടിക്കുകയായിരുന്നു. ഇടിയുടെ ആഘാതത്തില്‍ കാര്‍ പൂര്‍ണമായും തകര്‍ന്നു. ഭാര്യ ലിജിന ബര്‍വിന്‍, ഏക മകന്‍ അസ്ഫിന്‍. നവോദയ ഹുഫൂഫ് മേഖല ഹരത് യൂനിറ്റ് അംഗമാണ്.