ന്യൂഡല്‍ഹി: ജവഹര്‍ലാല്‍ നെഹ്‌റു യൂണിവേഴ്‌സിറ്റി ക്യാംപസില്‍ നിന്ന് തോക്കും വെടിയുണ്ടകളും കണ്ടെടുത്തു. ഇന്ന പുലര്‍ച്ചെ രണ്ട് മണിയോടെ സെക്യൂരിറ്റി ഗാര്‍ഡാണ് ഉപേക്ഷിച്ച നിലയില്‍ ബാഗ് കണ്ടെത്തിയത്. ഉടന്‍ തന്നെ അധികൃതര്‍ പൊലിസിനെ വിവരമറിയിച്ചു. ബാഗിന്റെ ഉടമസ്ഥനെ കണ്ടെത്താനുള്ള ശ്രമത്തിലാണ് പൊലിസ്.

ജെ.എന്‍.യു ബിരുദ വിദ്യാര്‍ഥി നജീബിന്റെ തിരോധാനത്തില്‍ ക്യാംപസിലും പുറത്തും പ്രതിഷേധങ്ങള്‍ ശക്തമാകുന്നതിനിടെയാണ് പുതിയ സംഭവം.