കാഞ്ഞിരംകുളം: ഭാര്യയെ വെട്ടിപ്പരുക്കേല്‍പ്പിച്ച ശേഷം ഭര്‍ത്താവ് വീട്ടിനുളളിലെ കിടപ്പു മുറിയില്‍ തൂങ്ങി മരിച്ചു.
കാഞ്ഞിരംകുളം കൈവന്‍വിള കൊറ്റമണപഴിഞ്ഞിവീട്ടില്‍ നല്ലതമ്പി നാടാരുടെ മകന്‍ തങ്കപ്പന്‍ എന്നു വിളിക്കുന്ന റസാലം (54) ആണ് മരിച്ചത്.
ഇന്നലെ രാവിലെയാണ് ഭാര്യ അമൃതകുമാരിയുമായി വഴക്കുണ്ടാക്കി അവരെ വെട്ടിപ്പരുക്കേല്‍പ്പിച്ചത്. ഇവര്‍ മെഡിക്കല്‍ കോളേജ് ആശുപത്രിയില്‍ ചികിത്സയിലാണ്. ഇന്നലെ ഉച്ചയോടുകൂടിയാണ് റസാലത്തെ തൂങ്ങി മരിച്ചനിലയില്‍ കണ്ടത്. മൃതദേഹം മെഡിക്കല്‍ കോളജ് ആശുപത്രി മോര്‍ച്ചറിയില്‍. മൂന്ന് മക്കളുണ്ട്. കാഞ്ഞിരംകുളം പൊലിസ് കേസെടുത്തു.