ജമ്മു: കശ്മിരില്‍ രജൗറി ജില്ലയിലെ നൗഷേര സെക്ടറില്‍ ഇന്ത്യന്‍ സൈനിക പോസ്റ്റുകള്‍ ലക്ഷ്യം വച്ച് പാക് സൈന്യം നടത്തിയ രൂക്ഷമായ ഷെല്ലാക്രമണത്തില്‍ ഒരു ജവാന് വീരമൃത്യു.
അതിര്‍ത്തിയിലെ സൈനിക പോസ്റ്റുകള്‍ ലക്ഷ്യംവച്ചാണ് പാക് സൈന്യം ഷെല്ലാക്രമണം നടത്തിയത്. ശക്തമായി തിരിച്ചടിച്ച ഇന്ത്യന്‍ സൈന്യം പാക് സൈനിക പോസ്റ്റുകള്‍ക്ക് കനത്ത നാശനഷ്ടങ്ങളാണ് ഉണ്ടാക്കിയത്.
രൂക്ഷമായ തിരിച്ചടിയില്‍ പാക് സൈന്യം പിന്‍വാങ്ങിയെങ്കിലും ഇരു സൈന്യവും തമ്മില്‍ നടക്കുന്ന ഏറ്റുമുട്ടല്‍ രാത്രിയേറെ വൈകിയും തുടരുകയാണ്. ഇന്നലെ രാവിലെ 8.45നാണ് പാക് സൈന്യത്തിന്റെ നേതൃത്വത്തില്‍ വെടിവയ്പ് തുടങ്ങിയതെന്നു മുതിര്‍ന്ന സൈനിക ഓഫിസര്‍ അറിയിച്ചു.