ശ്രീകാര്യം: പൗഡിക്കോണം മുക്കില്‍ക്കടയ്ക്ക് സമീപം ആവുക്കുളം ശ്രീധര്‍മ്മ ശാസ്താ ക്ഷേത്രത്തിലെ കാണിക്ക വഞ്ചി കുത്തിത്തുറന്ന് മോഷണം.
ക്ഷേത്ര കവാടത്തിനു മുന്നിലെ മതിലിനോടു ചേര്‍ത്തു ഘടിപ്പിച്ചിരുന്ന കാണിക്കവഞ്ചിയാണ് ചൊവ്വാഴ്ച രാത്രി കുത്തിത്തുറന്നത്. ശ്രീകാര്യം എസ്.ഐ. അനൂപ് കൃഷ്ണയുടെ നേതൃത്വത്തിലുള്ള സംഘം സ്ഥലത്തെത്തി. പൂട്ട് പൊളിക്കാന്‍ ഉപയോഗിച്ച ചുറ്റിക സ്ഥലത്ത് നിന്നും കണ്ടെടുത്തു.
മോഷ്ടാക്കള്‍ ചുറ്റമ്പലത്തിനുളില്‍ പ്രവേശിച്ചതിന്റെ തെളിവുകള്‍ ഒന്നും തന്നെ ലഭിച്ചിട്ടില്ല. കഴിഞ്ഞ മാസം 23നാണ് കാണിക്ക വഞ്ചി തുറന്നത്. അതിനാല്‍ കുറച്ച് രൂപ മാത്രമേ വഞ്ചിയില്‍ കാണുകയുള്ളൂവെന്നാണ് നിഗമനം. ശ്രീകാര്യം പൊലിസ് അന്വേഷണം ആരംഭിച്ചു.