വെങ്ങപ്പള്ളി: ശംസുല്‍ ഉലമാ പബ്ലിക് സ്‌കൂളില്‍ സ്‌നേഹപൂര്‍വം സുപ്രഭാതം പദ്ധതിക്ക് തുടക്കമായി. വെങ്ങപ്പള്ളി സ്വദേശികളായ പി.വി നൗഷീദ്, മുതുവാട്ടില്‍ അബ്ദുല്‍ ജലീല്‍ എന്നിവരാണ് സ്‌കൂളിലേക്ക് പത്രം സ്‌പോണ്‍സര്‍ ചെയ്തത്. പ്രിന്‍സിപ്പാള്‍ അബ്ദുറഊഫ് അധ്യക്ഷനായി. സ്‌കൂള്‍ ലീഡര്‍ മുഹമ്മദ് മുശ്‌റഫിന് കോപ്പി നല്‍കി മുതുവാട്ടില്‍ ജലീല്‍ പദ്ധതി ഉദ്ഘാടനം ചെയ്തു. ജില്ലാ ഓര്‍ഗനൈസര്‍ ഹാരിസ് ബാഖവി കമ്പളക്കാട് പദ്ധതി വിശദീകരിച്ചു.
അധ്യാപകരായ സവാദ്, മുഹമ്മദ് റാഫി, മനാസ്, സുഹൈല്‍ വാഫി, നൗഷീര്‍ വാഫി, അന്‍ഷാദ് വാഫി, മുസ്തഫ വാഫി, സറീന, സമീന, ഹാശ്മി, സോഫിയ, നസീറ, സൈതലവി സംബന്ധിച്ചു. സ്റ്റാഫ് സെക്രട്ടറി ഇര്‍ശാദ് സ്വാഗതവും കെ അഷീബ് മാസ്റ്റര്‍ നന്ദിയും പറഞ്ഞു. വെങ്ങപ്പള്ളി ശംസുല്‍ ഉലമാ ഇസ്‌ലാമിക് അക്കാദമിയുടെ കീഴില്‍ 2008ല്‍ ആരംഭിച്ചതാണ് പബ്ലിക് സ്‌കൂള്‍. എല്‍.കെ.ജി മുതല്‍ ഒന്‍പത് വരെയുള്ള ക്ലാസുകളിലായി 500 വിദ്യാര്‍ഥികളാണ് സ്‌കൂളില്‍ പഠനം നടത്തുന്നത്. സമസ്ത കേരള ഇസ്‌ലാം മത വിദ്യഭ്യാസ ബോര്‍ഡിന്റെ അംഗീകൃത മദ്‌റസയും സ്‌കൂള്‍ പാഠ്യപദ്ധതിയോടൊപ്പം കൂട്ടിയോചിപ്പിച്ചാണ് സ്‌കൂള്‍ പ്രവര്‍ത്തിക്കുന്നത്.