ജിദ്ദ: ഹൂതി വിമതരുടെ ഷെല്ലാക്രമണത്തില്‍ ഇന്ത്യക്കാരനു പരുക്കേറ്റു. കഴിഞ്ഞ ദിവസമാണ് സംഭവം. നജ്‌റാനിലെ മന്‍ഫദ് ഖദ്‌റാഅന് നേരെയാണ് ഹൂതികള്‍ ഷെല്ലാക്രമണം നടത്തിയത്. ആക്രമണത്തില്‍ സ്ഥലത്തെ ഒരു പോളിക്ലിനിക്കിന് കോടുപാട് സംഭവിക്കുകയും ചെയ്തു.
പോളിക്ലിനിക്കില്‍ ജോലിചെയ്യുന്ന ഇന്ത്യക്കാരനാണ് പരുക്കേറ്റതെന്ന് നജ്‌റാന്‍ മേഖല സിവില്‍ ഡിഫന്‍സ് ഡയറക്ടറേറ്റ് വക്താവ് കേണല്‍ അബ്ദുല്‍ ഖാലിഖ് അല്‍ഖഹ്താനി പറഞ്ഞു. ഇയാളെ ആശുപത്രിയില്‍ പ്രവേശിപ്പിച്ചിരിക്കുകയാണ്.