കൊച്ചി: കേരള ഫെഡറേഷന്‍ ഒഫ് ദി ബ്ലൈന്‍ഡിന്റെ 49ാമത് സംസ്ഥാന കണ്‍വെന്‍ഷന്‍ 12,13 തീയതികളിലായി നടക്കുമെന്ന് ജനറല്‍ കണ്‍വീനര്‍ എ.ഡി.എം. സി.കെ. പ്രകാശ് വാര്‍ത്താസമ്മേളനത്തില്‍ പറഞ്ഞു. എറണാകുളം മഹാരാജാസ് കോളേജില്‍ നടക്കുന്ന സമ്മേളനത്തിന്റെ മേയര്‍ സൗമിനി ജെയിന്‍ ഉദ്ഘാടനം ചെയ്യും. ഹൈബി ഈഡന്‍ എം.എല്‍.എ അദ്ധ്യക്ഷത വഹിക്കും. ഡെപ്യൂട്ടി മേയര്‍ ടി.ജെ. വിനോദ്, ഡപ്യൂട്ടി കലക്ടര്‍ കെ.പി. ബാബു, ആര്‍.ടി.ഒ. സാദിക് അലി പി.എച്ച്, ജില്ല സപ്ലൈ ഓഫീസര്‍ എന്‍. ഹരിപ്രസാദ് തുടങ്ങിയവര്‍ പങ്കെടുക്കും. കളക്ടര്‍ കെ. മൊഹമ്മദ് വൈ. സഫിറുള്ള സ്വാഗതവും സെക്രട്ടറി ജെയ്‌സണ്‍ തോമസ് നന്ദിയും രേഖപ്പെടുത്തു.
13 ന് നടക്കുന്ന സാംസ്‌കാരി സമ്മേളനം പ്രൊഫ. കെ.വി. തോമസ് എം.പി. ഉദ്ഘാടനം ചെയ്യും. എം.സ്വരാജ് എം.എല്‍.എ മുഖ്യപ്രഭാഷണം നടത്തും. പി.ടി.തോമസ് എം.എല്‍.എ. അദ്ധ്യക്ഷത വഹിക്കും.