പെരുമ്പാവൂര്‍: കോടിക്കണക്കിന് രൂപ മുടക്കി അറ്റകുറ്റപണി നടത്തിയ പോഞ്ഞാശ്ശേരി - ചിത്രപുഴ റോഡില്‍ മിക്ക ഭാഗങ്ങളിലും കുഴികളായി യാത്രക്കാരുടെ ജീവന്‍ അപകടത്തിലായി. ഇവ പരിഹരിച്ച് റോഡ് ഗതാഗതയോഗ്യമാക്കണമെന്ന് പെരുമ്പാവൂര്‍ എം.എല്‍.എ അടക്കമുള്ള ജനപ്രതിനിധികളോടും കെ.എസ്.റ്റി.പി അധികാരികളോടും ആവശ്യപ്പെട്ടിട്ടും നടപടി ഉണ്ടാകാത്തതിനാല്‍ വെസ്റ്റ് വെങ്ങോല മിനിക്കവലയിലെ എന്‍.സി.പി പ്രവര്‍ത്തകര്‍ പോഞ്ഞാശേരി ചിത്രപുഴ റോഡ് ഉപരോധിച്ചു.
രാവിലെ ഒന്‍പതിന് ആരംഭിച്ച ഉപരോധ സമരം വെങ്ങോല ഗ്രാമ പഞ്ചായത്ത് ക്ഷേമകാര്യ സ്റ്റാന്റിങ് കമ്മറ്റി ചെയര്‍മാന്‍ എം.എം റഹീം ഉദ്ഘാടനം ചെയ്തു. എന്‍.സി.പി ജില്ലാ പ്രസിഡന്റ് ടി.പി അബ്ദുള്‍ അസീസ് അധ്യക്ഷത വഹിച്ചു.