മാന്നാര്‍: മാന്നാര്‍ നായര്‍ സമാജം സ്‌ക്കൂള്‍ മൈതാനിയില്‍ നടന്നുവന്ന ചെങ്ങന്നൂര്‍ വിദ്യാഭ്യാസ ഉപജില്ലാ കായിക മേളയില്‍ മാന്നാര്‍ നായര്‍ സമാജം ബോയ്‌സ് എച്ച്.എസ്.എസ് 193 പോയിന്റോടെ ഓവറോള്‍ ചാമ്പ്യന്മാരായി. 162 പോയിന്റോടെ പാണ്ടനാട് എസ്.വി.എച്ച്.എസ് ഉം 126 പോയിന്റോടെ മാന്നാര്‍ നായര്‍ സമാജം ഗേള്‍സ് എച്ച്.എസും രണ്ടും മൂന്നും സ്ഥാനങ്ങള്‍ നേടി. സമാപന സമ്മേളനവും സമ്മാനദാനവും പഞ്ചായത്ത് വൈസ് പ്രസിഡന്റ് ഷൈന നവാസ് നിര്‍വ്വഹിച്ചു. സ്ഥിരം സമിതി അധ്യക്ഷന്‍ ചാക്കോ കയ്യത്ര അധ്യക്ഷത വഹിച്ചു. എ.ഇ.ഒ കെ.ബിന്ദു, പ്രിന്‍സിപ്പാള്‍ വി.മനോജ്, അജീഷ് കോടാകേരില്‍, പി.എന്‍. ശെല്‍വരാജന്‍, കെ.എം.ജോസഫ് മാത്യു, ഡി.ജയറാം, എസ്.വിജയകുമാര്‍, ജോണ്‍ ജേക്കബ് എന്നിവര്‍ പ്രസംഗിച്ചു.