എടവണ്ണപ്പാറ: എടവണ്ണപ്പാറയിലും പരിസരപ്രദേശങ്ങളിലും മദ്യ മയക്കുമരുന്ന് വേട്ടക്ക് നേതൃത്വം നല്‍കിയ വാഴക്കാട് പൊലിസ് സബ് ഇന്‍സ്‌പെക്ടര്‍ എസ്.സന്തോഷിന് എടവണ്ണപ്പാറ മേഖല സമസ്ത കോഡിനേഷന്‍ കമ്മിറ്റിയുടെ ആഭിമുഖ്യത്തില്‍ അനുമോദനവും ഉപഹാരവും നല്‍കി.
കഴിഞ്ഞ മാസം സ്റ്റേഷന്‍ പരിധിയില്‍ നിന്നും വിദ്യാര്‍ഥികള്‍ ഉള്‍പ്പെടയുള്ള അന്‍പതോളം പേരെ കഞ്ചാവ് കേസില്‍ എസ്.ഐയുടെ നേതൃത്വത്തില്‍ പൊലിസ് പിടികൂടുകയും പരിസര ഭാഗങ്ങളിലെ വ്യാജ മദ്യ ഉല്‍പാദന, വിതരണ കേന്ദ്രങ്ങള്‍ നശിപ്പിക്കുകയും പ്രതികളെ പിടികൂടുകയും ചെയ്തിരുന്നു.
എസ്.ഐക്കുള്ള ഉപഹാരം കോഴിക്കോട് വലിയ ഖാസി സയ്യിദ് നാസര്‍ ഹയ്യ് ശിഹാബ് തങ്ങള്‍ സമര്‍പ്പിച്ചു. സമസ്ത എടവണ്ണപ്പാറ മേഖലാ ചെയര്‍മാന്‍ കെ.എസ് ഇബ്‌റാഹീം മുസ്‌ലിയാര്‍ അധ്യക്ഷനായി.