ന്യൂഡല്‍ഹി: അവശ്യസര്‍വീസുകള്‍ക്ക് പഴയ നോട്ടുകള്‍ ഉപയോഗിക്കാനുള്ള സമയപരിധി നീട്ടി.

റെയില്‍വ്വേ, കെ.എസ്.ആര്‍.ടി.സി, പെട്രോള്‍ പമ്പ്, വൈദ്യുതി ബില്‍, വെള്ളക്കരം, ശ്മശാനം, സര്‍ക്കാര്‍ ആശുപത്രികള്‍, സര്‍ക്കാര്‍ ഫാര്‍മസികള്‍, വിമാനത്താവളങ്ങള്‍ എന്നിവിടങ്ങളില്‍ പഴയ 500, 1000 നോട്ടുകള്‍ ഉപയോഗിച്ച് ഇടപാടുകള്‍ നടത്താം.

നാലു ദിവസത്തേക്കാണ് സയമം നീട്ടി നല്‍കിയത്. തിങ്കളാഴ്ച വരെ ടോള്‍ പിരിവും ഉണ്ടാവില്ല.

നേരത്തേ നല്‍കിയ സമയപരിധി ഇന്നു രാത്രി അവസാനിക്കാനിരിക്കേയാണ് കേന്ദ്ര ധനമന്ത്രാലയത്തിന്റെ നടപടി.