മലപ്പുറം: പൈതൃക ബോധം അടയാളപ്പെടുത്തുക എന്ന പ്രമേയത്തില്‍ എസ്.കെ.എസ്.എസ്.എഫ്  ത്വലബാവിങ് സംസ്ഥാന സമിതി പൈതൃക കാംപയിന്റെ ഭാഗമായി സ്റ്റുഡന്‍സ് അക്കാദമിക് കോണ്‍ഫറന്‍സ് സംഘടിപ്പിച്ചു. മലപ്പുറം എയര്‍ലൈന്‍സ് കോണ്‍ഫറന്‍സ് ഹാളില്‍ നടന്ന സംഗമം എസ്.വൈ.എസ്.സംസ്ഥാന ട്രഷറര്‍ ഹാജി.കെ. മമ്മത് ഫൈസി ഉദ്ഘാടനം ചെയ്തു. എസ്.കെ.എസ്.എസ്.എഫ് സംസ്ഥാന സെക്രട്ടറി സലാം ദാരിമി കിണവക്കല്‍ അധ്യക്ഷനായി.
'കേരളത്തിലെ ഇസ്‌ലാമിക പൈതൃകം' എന്ന വിഷയത്തില്‍ നടന്ന കോണ്‍ഫറന്‍സില്‍ കേരളത്തില്‍ ഇസ്‌ലാമിക ആഗമനം, ആദ്യകാല പള്ളികള്‍, മുസ്‌ലിം പൈതൃകഇടങ്ങള്‍, മഹത് രചനകള്‍, വ്യക്തി, കുടുംബങ്ങള്‍, കല, സാഹിത്യ, സംസ്‌കാരം, ആചാരാനുഷ്ഠാനങ്ങള്‍ എന്നീ വിഷയങ്ങളില്‍ മുപ്പതിലധികം പ്രബന്ധങ്ങള്‍ അവതരിപ്പിച്ചു. ഡോ.ശഫീഖ് റഹ്മാനി വഴിപ്പാറ, മോയിന്‍ ഹുദവി മലയമ്മ, സ്വാദിഖ് ഫൈസി താനൂര്‍ നേതൃത്വം നല്‍കി. സംസ്ഥാന ചെയര്‍മാന്‍ സി.പി.ബാസിത് തിരൂര്‍ സര്‍ട്ടിഫിക്കറ്റ് വിതരണം ചെയ്തു. പി.കെ.ലത്തീഫ് ഫൈസി, മഅ്‌റൂഫ് മാസ്റ്റര്‍ കണ്ണൂര്‍, ജുറൈജ് കണിയാപുരം, വി.ടി.റാശിദ് ഫൈസി വേങ്ങര, ആഷിഖ് ലക്ഷദ്വീപ്, ഹബീബ് വരവൂര്‍ പ്രസംഗിച്ചു. ജനറല്‍ കണ്‍വീനര്‍ ഉവൈസ് പതിയാങ്കര സ്വാഗതവും കണ്‍വീനര്‍ പാലത്തുങ്കര നന്ദിയും പറഞ്ഞു.