സന്‍ആ: യുദ്ധം നടക്കുന്ന യമനില്‍ സഖ്യസേനയെ നേരിടുന്നതിനായി തയാറാക്കിയ ആയുധ ബോട്ടുകള്‍ സഖ്യസേന ബോംബര്‍ വിമാനങ്ങള്‍ നശിപ്പിച്ചു. വിമത വിഭാഗമായ ഹൂതികളുടെ  അധീനതയിലുള്ള യമനിന്റെ പടിഞ്ഞാറന്‍ അതിര്‍ത്തിയിലുള്ള ഹുദൈദ തുറമുഖത്ത് വച്ചാണ് ആയുധ ബോട്ടുകള്‍ സഖ്യസേന നശിപ്പിച്ചത്. ഹുദൈദ തുറമുഖത്ത് യു.എന്‍ ദുരിതാശ്വാസ കപ്പലുകള്‍ ഹൂതികള്‍ തടഞ്ഞുവച്ചതായി കഴിഞ്ഞയാഴ്ച സഖ്യസേന ആരോപിച്ചിരുന്നു. പല ഘട്ടങ്ങളില്‍ ദുരിതാശ്വാസ സാധനങ്ങളുമായെത്തിയ 34 കപ്പലുകളാണ് ഇവിടെ തടഞ്ഞത്.