ഊട്ടി: പാഞ്ഞടുത്ത കാട്ടുപോത്തില്‍ നിന്നും തൊഴിലാളികള്‍ രക്ഷപ്പെട്ടത് തലനാരിഴക്ക്. മഞ്ചൂര്‍, മണിക്കല്‍മട്ടം മേഖലയിലെ തേയിലതോട്ടത്തിലാണ് സംഭവം. തേയില പറിക്കുകയായിരുന്ന തൊഴിലാളികള്‍ക്ക് നേരെ കാട്ടുപോത്ത് പാഞ്ഞടുക്കുകയായിരുന്നു. പോത്തിന്റെ വരവ് കണ്ട് ഓടിമാറിയതിനാലാണ് തൊഴിലാളികള്‍ രക്ഷപ്പെട്ടത്.
വിവരമറിഞ്ഞ് സ്ഥലത്തെത്തിയ കുന്താ റെയ്ഞ്ചര്‍ രാമകൃഷ്ണന്റെ നേതൃത്വത്തിലുള്ള വനപാലക സംഘം കാട്ടുപോത്തിനെ മണിക്കൂറുകള്‍ നീണ്ട പരിശ്രമത്തിനൊടുവില്‍ വനത്തിലേക്ക് തുരത്തി.