ആലപ്പുഴ: വിപ്ലവത്തിന്റെ മണ്ണ് ചുവന്നു തന്നെ. ആദ്യ ഒന്നര മണിക്കൂര്‍ പിന്നിടുമ്പോള്‍ ഒമ്പതില്‍ എട്ടു സീറ്റുകളിലും എല്‍.ഡി.എഫ് വന്‍ മുന്നേറ്റമാണ് കാഴ്ചവെയ്ക്കുന്നത്. വെല്ലുവിളിയാകുമെന്ന് കരുതിയ ബി.ഡി.ജെ.എസ് ചിത്രത്തില്‍ പോലുമില്ലാതായി.

ഇടയ്ക്ക് മാവേലിക്കരയില്‍ അപ്രതീക്ഷിത മുന്നേറ്റം ബി.ജെ.പി സ്ഥാനാര്‍ഥി പി.എം വേലായുധന്‍ നടത്തിയെങ്കിലും പിന്നീട് എല്‍.ഡി.എഫും യു.ഡി.എഫും ഒന്നും രണ്ടും സ്ഥാനത്തേക്ക് തിരിച്ചെത്തി. കുട്ടനാട്ടില്‍ ബി.ഡി.ജെ.എസ് ആദ്യഘട്ടത്തില്‍ രണ്ടാമതെത്തിയെങ്കിലും വോട്ടെണ്ണല്‍ പുരോഗമിച്ചതോടെ ചിത്രത്തില്‍ നിന്ന് പുറത്തായി.

ഹരിപ്പാട് രമേശ് ചെന്നിത്തല മാത്രമാണ് വ്യക്തമായ ലീഡ് നിലനിര്‍ത്തി മുന്നേറുന്ന ഏക യു.ഡി.എഫ് സ്ഥാനാര്‍ഥി. മറ്റ് എട്ടിടത്തും എല്‍.ഡി.എഫ് വന്‍ മുന്നേറ്റമാണ് കാഴ്ചവെയ്ക്കുന്നത്. വെള്ളാപ്പള്ളി നടേശനും ബി.ഡി.ജെ.എസും ഉയര്‍ത്തിയ വെല്ലുവിളി ഈഴവ വോട്ടുകളില്‍ ചലനം സൃഷ്്ടിച്ചില്ലെന്നതും ന്യൂനപക്ഷ മുന്നാക്ക വോട്ടുകള്‍ ഇടത്പക്ഷത്ത് കേന്ദ്രീകരിച്ചുവെന്നുതമാണ് ആലപ്പുഴ വരച്ചു കാട്ടുന്നത്.