കൊച്ചി: ക്യാംപ്യന്‍ സ്‌കൂള്‍ ആതിഥ്യമരുളുന്ന ഇന്റര്‍സ്‌കൂള്‍ ബാസ്‌ക്കറ്റ്‌ബോള്‍ ടൂര്‍ണമെന്റിന് തുടക്കമായി. കൊച്ചി ഡെപ്യൂട്ടി കമ്മിഷണര്‍ എ.ആര്‍ പ്രേംകുമാര്‍ ഉദ്ഘാടനം ചെയ്തു.
സ്‌കൂള്‍ ഡയറക്ടര്‍ ഡോ.കെ വി തോമസ്, സീനിയര്‍ പ്രിന്‍സിപ്പല്‍ ഡോ.ലീലാമ്മ തോമസ്, അന്നമ്മ ടൈറ്റസ് എന്നിവര്‍ സംസാരിച്ചു. ക്യാംപ്യന്‍ സ്‌കൂളിന്റെ സില്‍വര്‍ ജൂബിലി ആഘോഷങ്ങളുടെ ഭാഗമായാണ് 2014 ല്‍ ടൂര്‍ണമെന്റ് ആരംഭിച്ചത്.
15 വയസില്‍ താഴെയുള്ള കുട്ടികള്‍ക്കായുള്ള ടൂര്‍ണമെന്റില്‍ കൊച്ചിയിലെ 10 ഓളം പ്രമുഖ സ്‌കൂളുകള്‍ പങ്കെടുക്കുന്നു. ഫൈനല്‍ മത്സരം നവംബര്‍ 17 നാണ്. ദേശീയ ബാസ്‌ക്കറ്റ്‌ബോള്‍ താരം യൂഡ്രിക് പെരേര സമ്മാനദാനം നിര്‍വഹിക്കും.

പാല്‍ ഗുണമേന്മ ബോധവല്‍കരണം

കൊച്ചി: പാല്‍ ഗുണനിലവാരം വര്‍ധിപ്പിക്കേണ്ടതിന്റെ ആവശ്യകത സംബന്ധിച്ച് കര്‍ഷകര്‍ക്കായി ബോധവല്‍കരണ പരിപാടി നാളെ അയിരൂര്‍പ്പാടം ക്ഷീരസഹകരണ സംഘത്തില്‍ നടത്തും.
ക്ഷീരവികസന വകുപ്പ് ജില്ലാ ഗുണ നിയന്ത്രണ വിഭാഗത്തിന്റെ ആഭിമുഖ്യത്തില്‍ നടത്തുന്ന പരിപാടി രാവിലെ പത്തിന് ആരംഭിക്കും. യോഗത്തില്‍ പിണ്ടിമന ഗ്രാമപഞ്ചായത്ത് പ്രസിഡന്റ് ജെയ്‌സണ്‍ ദാനിയേല്‍ അധ്യക്ഷനായിരിക്കും. കോതമംഗലം ബ്ലോക്ക് പഞ്ചായത്ത് പ്രസിഡന്റ് റഷീദ സലിം ഉദ്ഘാടനം നിര്‍വഹിക്കും.