കൊല്ലം: കേന്ദ്രസര്‍ക്കാരിന്റെ നോട്ട് പിന്‍വലിക്കല്‍ നടപടി ഒരാഴ്ച പിന്നിട്ടിട്ടും ജനജീവിതം സാധാരണ നിലയിലേക്കെത്തിയിട്ടില്ല.
ജില്ലയിലെ പകുതിയലധികം എ.ടി.എമ്മുകള്‍ ഇപ്പോഴും കാലിയാണ്. രണ്ടുദിവസത്തിനകം ചില്ലറ ക്ഷാമം പരിഹരിക്കാനായില്ലെങ്കില്‍ ഹോട്ടലുകള്‍ അടച്ചിടേണ്ടി വരുമെന്നാണ് ഹോട്ടല്‍ ആന്റ് റസ്റ്റോറന്റ് അസോസിയേഷന്‍ ഭാരവാഹികള്‍ അറിയിച്ചിരിക്കുന്നത്.
ചില്ലറ പ്രശ്‌നം പമ്പുകളെയും ബാധിച്ചിട്ടുണ്ട്. പെട്രോളടിക്കാന്‍ വരുന്നരിലധികവും രണ്ടായിരത്തിന്റെ നോട്ടുമായി വരുന്നതാണ് പമ്പുകാര്‍ക്ക് തലേവദനയായിരിക്കുന്നത്.
ചില്ലറക്ഷാമം ജില്ലയിലെ പല സ്വകാര്യ വ്യവസായ ശാലകളുടെ പ്രവര്‍ത്തനത്തെയും പ്രതികൂലമായി ബാധിച്ചിട്ടുണ്ട്.