അടിമാലി: ഉപജില്ലാ സ്‌കൂള്‍ കായിക മേളയ്ക്ക് ഇന്ന് എന്‍.ആര്‍ സിറ്റി എസ്.എന്‍.വി ഹയര്‍സെക്കന്‍ഡറി സ്‌കൂളില്‍ തുടക്കമാകും. മൂന്ന് ദിവസ്സങ്ങളിലായി നടക്കുന്ന കായിക മേളയില്‍ 67 സ്‌കൂളുകളില്‍ നിന്നായി 1500 ലധികം കായിക താരങ്ങളാണ് മാറ്റുരയ്ക്കുന്നത്.
ഇന്ന് രാവിലെ ഒമ്പത് മണിക്ക് നടക്കുന്ന ഉദ്ഘാടന സമ്മേളനത്തില്‍ സ്‌കൂള്‍ മാനേജര്‍ രാധാകൃഷ്ണന്‍ തമ്പി അധ്യക്ഷത വഹിക്കും. അടിമാലി എ ഇ ഒ വി മുരളി കൃഷ്ണന്‍ സ്വാഗതം ആസംസിക്കും. ഇടുക്കി ജില്ലാ പഞ്ചായത്ത് പ്രസിഡന്റ് കെച്ചുത്രേസ്യാ പൗലോസ് ഉദ്ഘാടനം നിര്‍വ്വഹിക്കും. ബ്ലോക്ക് പഞ്ചായത്ത് പ്രസിഡന്റ് ശ്രീമന്ദിരം ശശികുമാര്‍, രാജാക്കാട് ഗ്രാമപഞ്ചായത്ത് പ്രസിഡന്റ് എം.എസ് സതി, ബ്ലോക്ക് പഞ്ചായത്ത് വികസന കാര്യ സ്റ്റാന്റിങ് കമ്മിറ്റി ചെയര്‍മാന്‍ റജി പനച്ചിക്കല്‍, ബ്ലോക്ക് പഞ്ചായത്ത് അംഗം രാധാമണി പുഷ്പജന്‍, പഞ്ചായത്തംഗം ബിജി സന്തോഷ്, പി.ടി.എ പ്രസിഡന്റ് കെ.പി സുബീഷ് എന്നിവര്‍ പങ്കെടുക്കും.