കോട്ടയം: കേന്ദ്രസര്‍ക്കാര്‍ 1000, 500 രൂപ നോട്ടുകള്‍ പിന്‍വലിച്ച സാഹചര്യത്തില്‍ ജില്ലയിലെ ആശുപത്രികള്‍, ഭക്ഷണശാലകള്‍, ഹോട്ടല്‍ ആന്റ് ലോഡ്ജുകള്‍ തുടങ്ങി അവശ്യ സേവനങ്ങള്‍ നല്‍കുന്ന സ്ഥാപനങ്ങളില്‍ ചെക്ക്, ഡിമാന്റ് ഡ്രാഫ്റ്റ്, ഓണ്‍ ലൈന്‍ പേയ്‌മെന്റ് എന്നീ രീതികളില്‍ പണം സ്വീകരിക്കാന്‍ കലക്ടര്‍ സി.എ ലത നിര്‍ദേശിച്ചു.
മേല്‍ പറഞ്ഞ രീതിയില്‍ പണം സ്വീകരിക്കാത്ത സ്ഥാപനങ്ങള്‍ക്കെതിരേ നടപടി സ്വീകരിക്കുവാന്‍ ജില്ലാ മജിസ്‌ട്രേറ്റ് കൂടിയായ കലക്ടറെ സര്‍ക്കാര്‍ ചുമതലപ്പെടുത്തിയിട്ടുണ്ട്. പണം സ്വീകരിക്കാത്ത സ്ഥാപനങ്ങള്‍ക്കെതിരെ പൊതുജനങ്ങള്‍ക്കു കലക്ടര്‍ മുമ്പാകെ പരാതി സമര്‍പ്പിക്കാവുന്നതാണ്.