ആനക്കര: കെ.എസ്.ആര്‍.ടി.സികള്‍ നഷ്ട്ട കണക്കുകള്‍ നിരത്തി സര്‍വീസുകള്‍ വെട്ടിചുരുക്കുന്നു. പാലക്കാട് ഡിപ്പോയില്‍ നിന്ന് സര്‍വീസ് നടത്തുന്ന 15 മുതല്‍ 20വരെ ബസുകളാണ് ദിനം പ്രതി സര്‍വീസ് നിര്‍ത്തുന്നത്.
പാലക്കാട് പൊന്നാനി, പാലക്കാട് കുറ്റിപ്പുറം, പാലക്കാട് ഗുരുവായൂര്‍, പാലക്കാട് കുമ്പിടി കുറ്റിപ്പുറം, പാലക്കാട് മലമല്‍ക്കാവ് കുറ്റിപ്പുറം അടക്കമുളള സര്‍വീസുകളാണ് നിര്‍ത്തിയത്.
പടിഞ്ഞാറന്‍ മേഖലയിലെ ജനങ്ങള്‍ക്ക് ഏറെ ഉപകാര പ്രഥമായ പാലക്കാട് മലമല്‍ക്കാവ് കുറ്റിപ്പുറം, പാലക്കാട് കുമ്പിടി കുറ്റിപ്പുറം ബസുകള്‍ സര്‍വീസ് നിര്‍ത്തിയിടുന്നത് ഈ മേഖലയില്‍ യാത്രാക്ലേശം ഇരട്ടിയാക്കിയിട്ടുണ്ട്. പതിറ്റാണ്ടുകളായി ഈ മേഖലയില്‍ സര്‍വീസ് നടത്തുന്ന ബസുകള്‍ക്ക് കളക്ഷന്‍ കാര്യത്തിലും പിറകിലെല്ല. എന്നാല്‍ ഇതെല്ലാം നഷ്ട്ടത്തിലാണന്ന് പറഞ്ഞാണ് നിര്‍ത്തിയിടുന്നത്.