ജിദ്ദ: വിശുദ്ധ കഅ്ബയെ അവഹേളിച്ചു ഫേസ്ബുക്കില്‍ പോസ്റ്റിട്ട തെലങ്കാന സ്വദേശിയെ സഊദി മതകാര്യ പൊലിസ് പിടികൂടി. റിയാദിലെ അല്‍മുജമ്മ ഏരിയയിലെ തോട്ടത്തില്‍ വച്ചാണ് പ്രതിശങ്കര്‍ (40) നെ പിടികൂടിയത്.

ചോദ്യം ചെയ്യലില്‍ പ്രതി കുറ്റം സമ്മതിച്ചു. മാസങ്ങള്‍ക്ക് മുമ്പാണ് കേസിനാസ്പദമായ സംഭവം.
റിയാദില്‍ അഗ്രിക്കള്‍ച്ചറല്‍ എന്‍ജിനീയറായി ജോലിചെയ്യുന്നയാളാണ് ശങ്കര്‍. കഅ്ബയുടെ മുകളില്‍ ശിവന്റെ വിഗ്രഹം വച്ചുള്ള ഫോട്ടോയാണ് പോസ്റ്റ് ചെയ്തത്.  

ഏഴു വര്‍ഷം തടവും 2100 ചാട്ടയടിയും ലഭിക്കാവുന്ന കുറ്റമാണിത്.