മുംബൈ: ആയിരം, അഞ്ഞൂറ് നോട്ടുകള്‍ പിന്‍വലിച്ചതില്‍പ്പിന്നെ നേട്ടം കൊയ്യുന്നത് ആരായിരിക്കുമെന്ന് സോഷ്യല്‍ മീഡിയ മുന്‍പേ പ്രവചിച്ചിരുന്നു. പേടിഎം പോലുള്ള മൊബൈല്‍ വാലറ്റ് കമ്പനികള്‍ക്ക് കോടികളുടെ ഇടപാടാണ് ഈയിടെ വര്‍ധിച്ചത്.

ദിനേന 70 ലക്ഷം ഇടപാടുകള്‍ രജിസ്റ്റര്‍ ചെയ്യുന്നുണ്ടെന്ന് ചൈനയുടെ ആലിബാബയുടെ സഹ കമ്പനി പേടിഎം വ്യക്തമാക്കി. 120 കോടി രൂപ വിലമതിക്കുന്ന ഇടപാടുകളാണ് നടക്കുന്നതെന്ന് പേടിഎം വൈസ് പ്രസിഡന്റ് സുധാന്‍ഷു ഗുപ്ത പറഞ്ഞു.

നോട്ട് അസാധുവാക്കി പ്രഖ്യാപിച്ചതു മുതല്‍ 50 ലക്ഷം പുതിയ ഉപയോക്താക്കളാണ് പേടിഎം തേടിയെത്തിയത്. കഴിഞ്ഞ പത്തു ദിവസത്തിനുള്ളില്‍ 4.5 കോടി പേര്‍ വിവിധ ഇടപാടുകള്‍ക്കായി ഈ ആപ്പ് ഉപയോഗിച്ചു.