മുക്കം: ഡിസംബര്‍ രണ്ടിനു നടക്കുന്ന ജില്ലാ ശരീഅത്ത് സംരക്ഷണ സമ്മേളനവും നവംബര്‍ 25ലെ മണ്ഡലം റാലിയും വിജയിപ്പിക്കാന്‍ മലയോര മേഖലയില്‍ വന്‍ ഒരുക്കം. തിരുവമ്പാടി മണ്ഡലം എസ്.വൈ.എസിന്റെ നേതൃത്വത്തില്‍ മണ്ഡലത്തിലെ വിവിധ പഞ്ചായത്തുകളില്‍ സമസ്ത പോഷക സംഘടകളുടെ ആഭിമുഖ്യത്തില്‍ സ്പഷല്‍ കണ്‍വന്‍ഷന്‍ നടത്തി.
പൂളപ്പൊയില്‍ നൂറുല്‍ ഇസ്‌ലാം മദ്‌റസയില്‍ ചേര്‍ന്ന കണ്‍വന്‍ഷന്‍ യു.കെ അബ്ദുല്ലത്തീഫ് മൗലവി ഉദ്ഘാടനം ചെയ്തു. പി.സി യൂസുഫ് ഫൈസി അധ്യക്ഷനായി. ഹുസൈന്‍ യമാനി കെ. മൊയ്തു മൗലവി, റസാഖ് ഫൈസി, ഓ.എം ഗഫൂര്‍, എന്‍.കെ അബു ഹാജി, എ.എം അബ്ദുല്ല മാസ്റ്റര്‍, കെ.വി സുലൈമാന്‍ പ്രസംഗിച്ചു. മഹല്ലുകളില്‍ ഉല്‍ബോധനവും 24 നു സന്ദേശ റാലിയും നടത്തും.
മുക്കം: താഴെ തിരുവമ്പാടി നൂറുല്‍ ഇസ്‌ലാം മദ്‌റസയില്‍ ചേര്‍ന്ന സമസ്ത തിരുവമ്പാടി പഞ്ചായത്ത് കന്‍വന്‍ഷന്‍ കെ.എന്‍.എസ് മൗലവി ഉദ്ഘാടനം ചെയ്തു. കപ്പലാട്ട് അബ്ദുറഹ് മാന്‍ അധ്യക്ഷനായി. അബ്ദുല്ല ഫൈസി, സി.എ സലാം, പരേറ്റുകുഴി അബൂബക്കര്‍, റഫീഖ് പുല്ലൂരാംപാറ പ്രസംഗിച്ചു.
മുക്കം: ചെറുവാടി ദാറുല്‍ ഹസനാത്തില്‍ ചേര്‍ന്ന കൊടിയത്തൂര്‍ പഞ്ചായത്ത് സമസ്ത കോഡിനേഷന്‍ കണ്‍വന്‍ഷന്‍ സമസ്ത മാനേജര്‍ കെ. മോയിന്‍കുട്ടി മാസ്റ്റര്‍ ഉദ്ഘാടനം ചെയ്തു. വൈത്തല അബൂബക്കര്‍ അധ്യക്ഷനായി. എ.കെ ഗഫൂര്‍ ഫൈസി, അബ്ദുറഹ്മാന്‍ ലത്വീഫി, കെ.വി അബദുറഹ്മാന്‍, സി.ടി മജീദ്, പി.പി മുജീബ് റഹ്മാന്‍, സാദിഖ് കുറിയേടത്ത് പ്രസംഗിച്ചു.
മുക്കം: സമസ്ത കൂടഞ്ഞി പഞ്ചായത്ത് കണ്‍വന്‍ഷന്‍ കൂടരഞ്ഞി ടൗണ്‍ മസ്ജിദില്‍ സി. സുബൈര്‍ മുസ്‌ലിയാര്‍ ഉദ്ഘാടനം ചെയ്തു. എന്‍.എം മുഹ് യുദ്ദീന്‍ ദാരിമി അധ്യക്ഷനായി. ജബ്ബാര്‍ കൂമ്പാറ, നൗഷാദ് കുളിരാമുട്ടി, മുനീര്‍ ദാരിമി കൂമ്പാറ, സിയാവുദ്ദീന്‍ അന്‍വരി പ്രസംഗിച്ചു.