താമരശ്ശേരി: വരള്‍ച്ച നേരിടുന്നതിനായി അമ്പലമുക്ക്-കൈപ്പക്കമണ്ണില്‍ ജനകീയ കൂട്ടായ്മയില്‍ തടയണ നിര്‍മിച്ചു. വടക്കേപറമ്പ്-കയ്യേലിക്കുന്ന് എന്നിവിടങ്ങളിലെ വയലുകളിലേക്കു വെള്ളമെത്തിക്കുന്ന ഇരുതുള്ളിപ്പുഴയുടെ പ്രധാന കൈവഴികളിലൊന്നായ ചെറ്റത്തോട്ടിലാണ് തടയണ നിര്‍മിച്ചത്.
ഗ്രാമപഞ്ചായത്തിലെ കുടുക്കിലുമ്മാരം ഗ്രാമസഭയെടുത്ത തീരുമാന പ്രകാരമാണ് തടയണ നിര്‍മിച്ചത്.
ചെറ്റത്തോട്ടില്‍ തടയണ നിര്‍മിച്ചതോടെ അന്താനംകുന്ന്-കണാരംപാറക്കല്‍, കയ്യേലിക്കല്‍, കയ്യേലിക്കുന്നുമ്മല്‍, ചെട്ട്യാംതൊടിക ഭാഗങ്ങളിലെ കിണറുകളില്‍ ജലനിരപ്പ് ഉയര്‍ത്താന്‍ കഴിഞ്ഞിട്ടുണ്ട്. മുന്‍ ഗ്രാമപഞ്ചായത്ത് പ്രസിഡന്റ് കെ.വി മുഹമ്മദ്, രാമന്‍, വി.പി അഹമ്മദ്കുട്ടി, കെ.എം രാജന്‍, പ്രകാശന്‍, എടയാട്ട് ഉബൈദ്, കയ്യേലിക്കല്‍ മൊയ്തീന്‍കുട്ടി, നൗഷാദ് കൈപ്പക്കമണ്ണില്‍, രവി കയ്യേലിക്കല്‍, എ.പി മുഹമ്മദ് നേതൃത്വം നല്‍കി.