കോട്ടയം: കോട്ടയം നഗരത്തിലെ എസ്.ബി.ടി ബാങ്കില്‍ തീപ്പിടിത്തം. സി.എം.എസ് കോളജ് ശാഖയിലാണ് തീപ്പിടിത്തമുണ്ടായത്. ഇന്ന് പുലര്‍ച്ചെയായിരുന്നു തീപ്പിടിത്തം. ബാങ്കിനുള്ളിലായാണ് തീപ്പിടിച്ചത്. ബാങ്കിലെ കംപ്യൂട്ടര്‍, ഫയലുകള്‍, ഓഫിസ്, ഫര്‍ണീച്ചറുകള്‍ എന്നിവയെല്ലാം തീപ്പിടിത്തത്തില്‍ നശിച്ചു. എന്നാല്‍, സ്‌ട്രോങ് റൂമിന് കേടുപാടുകള്‍ സംഭവിച്ചിട്ടില്ല. അഗ്നിശമന സേന എത്തിയാണ് അഗ്നിയണച്ചത്. ലക്ഷങ്ങളുടെ നഷ്ടം വന്നതായി കണക്കാക്കുന്നു. തീപ്പിടിത്തത്തിനുള്ള കാരണമെന്തെന്ന് വ്യക്തമായില്ല. ഷോര്‍ട്ട് സര്‍ക്യൂട്ട് ആയിരിക്കാമെന്നാണ് പ്രാഥമിക നിഗമനം.