അസാധുവാക്കപ്പെട്ട 1000, 500 നോട്ടുകള്‍ മാറ്റിവാങ്ങുന്നത് വ്യഴാഴ്ച അര്‍ധരാത്രിയോടെ അവസാനിച്ചെങ്കിലും 500 ന്റെ പഴയ നോട്ടുകള്‍ പല സേവനങ്ങള്‍ക്കു വേണ്ടിയും ഉപയോഗിക്കാനാവും. ഡിസംബര്‍ 15 വരെയാണ് ഇതിന്റെ സമയം.

• ടോള്‍, പെട്രോള്‍ പമ്പുകള്‍ എന്നിവിടങ്ങളില്‍ (ഡിസംബര്‍ രണ്ടുവരെ ദേശീയപാതയില്‍ ടോളുണ്ടാവില്ല).
• കേന്ദ്ര സര്‍ക്കാര്‍, സംസ്ഥാന സര്‍ക്കാര്‍, മുനിസിപ്പാലിറ്റി, തദ്ദേശ സ്ഥാപനങ്ങള്‍ക്കു കീഴിലുള്ള സ്‌കൂളുകളില്‍ 2000 രൂപ വരെയുള്ള ഫീസടക്കാം.
• കേന്ദ്ര, സംസ്ഥാന കോളജ് ഫീസടക്കാന്‍.
• 500 രൂപയുടെ പ്രീപെയ്ഡ് റീച്ചാര്‍ജ്ജ് ചെയ്യാന്‍ വേണ്ടി ഉപയോഗിക്കാം.
• കേന്ദ്ര, സംസ്ഥാന സര്‍ക്കാരുകളുടെ കീഴിലുള്ള കോപ്പറേറ്റീവ് സ്റ്റോറുകളില്‍ 5000 വരെയുള്ള ഇടപാടുകള്‍ക്ക്.
• കേന്ദ്ര, സംസ്ഥാന സര്‍ക്കാരുകള്‍ക്കു കീഴിലുള്ള പാല്‍ ബൂത്തുകളില്‍ ഉപയോഗിക്കാം.
• വെള്ളക്കരം, വൈദ്യുതി ബില്‍ എന്നിവയ്ക്ക് നിശ്ചിത സംഖ്യ വരെ മാത്രം അടയ്ക്കാന്‍ ഉപയോഗിക്കാം.
• സര്‍ക്കാര്‍ ആശുപത്രികളില്‍.
• ഡോക്ടറുടെ കുറിപ്പോടു കൂടി എല്ലാ ഫാര്‍മസികളിലും ഉപയോഗിക്കാം.
• റെയില്‍വ്വേ ടിക്കറ്റ് കൗണ്ടര്‍, സ്വകാര്യ, സര്‍ക്കാര്‍ ബസ് ടിക്കറ്റ് കൗണ്ടര്‍, വിമാനത്താവളത്തിലെ എയര്‍ലൈന്‍ കൗണ്ടറില്‍ ടിക്കറ്റ് വാങ്ങാന്‍.
• ശ്മശാനത്തിലും മൃതദേഹം സംസ്‌കാര സ്ഥലത്തും.
• അന്താരാഷ്ട്ര വിമാനത്താവളങ്ങളില്‍ ആഗമന, പുറപ്പെടല്‍ യാത്രക്കാര്‍ക്ക് 5000 രൂപ വരെ ഉപയോഗിക്കാം.
• എല്‍.പി.ജി സിലിണ്ടര്‍ വാങ്ങാന്‍.
• ട്രെയിന്‍ യാത്രയില്‍ ട്രെയിന്‍ കാറ്ററിങില്‍ നല്‍കാം.
• ആര്‍ക്കിയോളജിക്കല്‍ സര്‍വ്വേ ഓഫ് ഇന്ത്യയുടെ കീഴിലുള്ള സ്മാരക കെട്ടിടങ്ങളിലെ ടിക്കറ്റിനു വേണ്ടി.
• തദ്ദേശ സ്ഥാപനങ്ങള്‍, മുനിസിപ്പാലിറ്റി അടക്കം കേന്ദ്ര, സംസ്ഥാന സര്‍ക്കാരുകള്‍ക്ക് നല്‍കാനുള്ള നികുതി, ഫീസ്, പിഴ, മറ്റു ബില്ലുകള്‍ എന്നിവയ്ക്ക്.
• കോര്‍ട്ട് ഫീസ്.
• സര്‍ക്കാര്‍ ഔട്ട്‌ലെറ്റുകളില്‍ നിന്ന് വിത്തുകള്‍ വാങ്ങാന്‍.