ഹില്ല: ഇറാഖില്‍ ഷിയാ തീര്‍ഥാടന കേന്ദ്രത്തിനുനേരെ ഐ.എസ് ഭീകരര്‍ നടത്തിയ ചാവേര്‍ ആക്രമണത്തില്‍ 77 പേര്‍ കൊല്ലപ്പെട്ടു. 40ഓളം പേര്‍ക്ക് പരുക്കേറ്റിട്ടുണ്ട്. സൗത്ത് ബാഗ്ദാദില്‍ നിന്ന് 100 കിലോമീറ്റര്‍ അകലെ ഹില്ലയിലായിരുന്നു സ്‌ഫോടനം. ഇവിടെ പെട്രോള്‍ സ്‌റ്റേഷനു സമീപമാണ് ചാവേര്‍ പൊട്ടിത്തെറിച്ചത്. കൊല്ലപ്പെട്ടവരില്‍ കൂടുതല്‍ പേര്‍ ഇറാനില്‍നിന്നുള്ളവരാണ്. കര്‍ബലയിലെ തീര്‍ഥാടനകേന്ദ്രം സന്ദര്‍ശിച്ചശേഷം തിരിച്ചു വരുന്ന തീര്‍ത്ഥാടകര്‍ക്കിടയിലാണ് സ്‌ഫോടനം നടന്നത്.