തിരുവനന്തപുരം: പുറ്റിങ്ങല്‍ അന്വേഷണ കമ്മീഷന്‍ നല്‍കിയ രാജി സര്‍ക്കാര്‍ സ്വീകരിച്ചേക്കില്ലെന്ന് റിപ്പോര്‍ട്ട്. അന്വേഷണകമ്മീഷന്റെ കാലാവധി നീട്ടുന്ന കാര്യം അടുത്ത മന്ത്രിസഭാ യോഗം പരിഗണിക്കുമെന്നാണ് റിപ്പോര്‍ട്ടുകള്‍.

കഴിഞ്ഞ ഏപ്രില്‍ 21നായിരുന്നു പുറ്റിങ്ങല്‍ ദുരന്തം അന്വേഷിക്കാന്‍ ജസ്റ്റിസ് എന്‍. കൃഷ്ണന്‍ നായരെ അന്വേഷണ കമ്മീഷനായി നിയമിച്ചത്. മെയ് രണ്ട് അദ്ദേഹം ചുമതലയേല്‍ക്കുകയും ചെയ്തു. എന്നാല്‍ അന്വേഷണത്തിനായി സര്‍ക്കാര്‍ ആവശ്യമായ സൗകര്യം നല്‍കിയില്ല.

പിന്നാലെ ഒക്ടോബറില്‍ കമ്മീഷന്റെ കാലാവധി അവസാനിച്ചു. ഇതേ തുടര്‍ന്ന് കലാവധി നീട്ടാന്‍ അപേക്ഷ നല്‍കിയെങ്കില്‍ മന്ത്രിസഭ പരിഗണിച്ചില്ല. തുടര്‍ന്നാണ് അന്വേഷണം തുടങ്ങുന്നതിനു മുമ്പേ രാജി. എന്നാല്‍, രാജിവയ്‌ക്കേണ്ടി വന്നത് വ്യക്തിപരമായ കാരണങ്ങളാലാണെന്ന് ജസ്റ്റിസ് കൃഷ്ണന്‍ നായര്‍ നല്‍കിയ രാജിക്കത്തില്‍ പറയുന്നത്. സംഭവവുമായി ബന്ധപ്പെട്ട് ആഭ്യന്തര സെക്രട്ടറിയുമായി ഫോണിലൂടെ കൃഷ്ണന്‍ നായര്‍ സംസാരിച്ചിരുന്നു.