കൊല്‍ക്കത്ത: ഇടതുമുന്നണി പശ്ചിമബംഗാളില്‍ ആഹ്വാനം ചെയ്ത ബന്ദ് പരാജയമായിരുന്നുവെന്ന് സി.പി.എം. ജനങ്ങള്‍ സഹകരിച്ചില്ലെന്നും തീരുമാനം തെറ്റിപോയെന്നും സി.പി.എം നേതാവും ഇടതുമുന്നണി കണ്‍വീനറുമായ ബിമന്‍ ബോസ് പറഞ്ഞു.
ബന്ദ് ഒരു ചലനവും ബംഗാളില്‍ ഉണ്ടാക്കിയില്ല. വേണ്ടത്ര മുന്നൊരുക്കങ്ങളില്ലാതെയാണ് ബന്ദിന് ആഹ്വാനം ചെയ്തത്. ജനം ഇതിനോട് സഹകരിച്ചില്ല. എന്തു കൊണ്ടാണ് ബന്ദ് പരാജയപ്പെട്ടതെന്ന് പരിശോധിക്കും. പിഴവുകളില്‍ നിന്ന് പാഠം ഉള്‍ക്കൊണ്ട് തെറ്റുകള്‍ തിരുത്തുമെന്നും ബിമന്‍ ബോസ് പറഞ്ഞു.
ബന്ദിനോട് സഹകരിക്കില്ലെന്ന് ബംഗാള്‍ മുഖ്യമന്ത്രി മമത ബാനര്‍ജി പറഞ്ഞിരുന്നു. ബന്ദിനും പകരം തൃണമൂല്‍ കോണ്‍ഗ്രസ് ആക്രോശ് ദിനമാണ് ആചരിച്ചത്.