നെടുമങ്ങാട്: ആര്യനാട്, കുറ്റിച്ചല്‍ പഞ്ചായത്തുകളെ തമ്മില്‍ ബന്ധിപ്പിച്ച് പുതുതായി നിര്‍മിച്ച കാരിയോട് പാലത്തിന്റെ ഉദ്ഘാടനം  മറ്റെന്നാള്‍  വൈകിട്ട് 5 മണിക്ക് കെ.എസ്.ശബരീനാഥന്‍ എം.എല്‍.എ നിര്‍വ്വഹിക്കും. കുറ്റിച്ചല്‍ ഗ്രാമപഞ്ചായത്ത് പ്രസിഡന്റ്   ജി.മണികണ്ഠന്‍ അധ്യക്ഷനാകും.  
ആര്യനാട് ഗ്രാമ പഞ്ചായത്ത് പ്രസിഡന്റ്   എസ്.ഷാമിലാബീഗം സ്വാഗതം പറയും. ജനപ്രതിനിധികള്‍ രാഷ്ട്രീയഉദ്യോഗസ്ഥ പ്രമുഖര്‍ തുടങ്ങിയവര്‍ പങ്കെടുക്കും.
മുന്‍ സര്‍ക്കാരിന്റെ  കാലത്ത് അനുവദിച്ച 1.35 കോടി രൂപ മുടക്കി 13 മീറ്റര്‍ നീളത്തിലും 11.05 മീറ്റര്‍ വീതിയിലുമാണ് പുതിയ പാലം നിര്‍മിച്ചത്.