കുന്നൂര്‍: പതിനഞ്ചുകാരിയെ തട്ടിക്കൊണ്ടുപോയ നേപ്പാള്‍ സ്വദേശി പിടിയില്‍. കുന്നൂര്‍ തൂതര്‍മട്ടം സ്വദേശിനിയായ പതിനഞ്ചുകാരിയെ തട്ടികൊണ്ടുപോയ കേസിലാണ് നേപ്പാള്‍ സ്വദേശി ഡാന്‍ ബഹദൂറി(45)നെ പൊലിസ് അറസ്റ്റു ചെയ്തത്. ചെന്നൈയില്‍ വെച്ചാണ് ഇയാള്‍ പിടിയിലായത്. കുന്നൂര്‍ കോടതിയില്‍ ഹാജരാക്കിയ പ്രതിയെ റിമാന്റ് ചെയ്തു. തൂതര്‍മട്ടം സ്വാകര്യ എസ്റ്റേറ്റിലെ തൊഴിലാളിയായിരുന്നു ഇയാള്‍. ഇയാള്‍ താമസിച്ചിരുന്ന വീടിന് സമീപത്തെ വീട്ടിലെ കുട്ടിയെയാണ് തട്ടികൊണ്ടുപോകാന്‍ ശ്രമിച്ചത്. കുട്ടിയുടെ രക്ഷിതാക്കള്‍ കുന്നൂര്‍ പൊലിസില്‍ നല്‍കിയ പരാതിയുടെ അടിസ്ഥാനത്തിലാണ് പ്രതിയെ പിടികൂടിയത്.