മൂവാറ്റുപുഴ: നിയന്ത്രണം വിട്ടെത്തിയ വാഗണാര്‍, ഓട്ടോറിക്ഷയിലും എതിരെ വന്ന റിക്‌സിലും ഇടിച്ച് ഓട്ടൊ ഡ്രൈവര്‍ അടക്കം മൂന്നു പേര്‍ക്ക് പരുക്കേറ്റു. ബുധനാഴ്ച വൈകിട്ട് നാലിന് കൊച്ചി മധുര ദേശീയപാതയില്‍ കടാതിയില്‍ വച്ചായിരുന്നു അപകടം.
കോലഞ്ചേരിഭാഗത്തു നിന്നും മൂവാറ്റുപുഴക്കവരികയായിരുന്ന വാഗണറാണ് നിയന്ത്രണം വിട്ട് ഇടിച്ചത്. ഇടിയുടെ ആഘാതത്തില്‍ ഓട്ടൊറിക്ഷ റോഡില്‍ മറിഞ്ഞു.
പരുക്കേറ്റവരെ കോലഞ്ചേരി മെഡിക്കല്‍ കോളജാശുപത്രിയില്‍ പ്രവേശിപ്പിച്ചു. അപകടത്തെ തുടര്‍ന്ന് ദേശീയ പാതയില്‍ ഗതാഗതം സ്തംഭിച്ചു.