തൃക്കരിപ്പൂര്‍: പഴയ കാലത്ത് തൃക്കരിപ്പൂരിലെയും പരിസര പഞ്ചായത്തുകളിലെ പത്തായങ്ങളെ നിറച്ചിരുന്ന കുട്ടനാടി പാടത്ത് പുതിയ കാലത്ത് പഴയ കാര്‍ഷിക പ്രതാപത്തിലെത്തിക്കാന്‍ കുട്ടനാടി കൂട്ടായ്മ സംഘടിപ്പിക്കും.
രാഗം ഗ്രന്ഥാലയം, മീലിയാട്ട് രാഗം ആര്‍ട്‌സ് ആന്‍ഡ് സ്‌പോര്‍ട്‌സ് ക്ലബിന്റെ നേതൃത്വത്തിലാണ് നെല്‍വയല്‍ സംരക്ഷണത്തിനു കുട്ടനാടി കൂട്ടായ്മ സംഘടിപ്പിക്കുന്നത്.
12നു രണ്ടിനു നടക്കുന്ന കുട്ടനാടി കൂട്ടായ്മ എം രാജഗോപാലന്‍ എം.എല്‍.എ ഉദ്ഘാടനം ചെയ്യും. പയ്യന്നൂര്‍ സീക്ക് ഡയരക്ടര്‍ ടി.പി പത്മനാഭന്‍ മുഖ്യപ്രഭാഷണം നടത്തും.