പന്തല്ലൂര്‍: നീലഗിരി ജില്ലയിലെ ബേങ്കുകളിലും എ.ടി.എമ്മുകളിലും 500ന്റെ പുതിയ നോട്ടുകള്‍ ഇനിയും എത്തിയിട്ടില്ല. പണം ഇല്ലാതെ പല എ.ടി.എം കൗണ്ടറുകളും അടച്ചിട്ടിരിക്കുകയാണ്. നീലഗിരിയിലെ പ്രധാന ടൗണുകളായ ഊട്ടി, ഗൂഡല്ലൂര്‍, കുന്നൂര്‍ എന്നിവിടങ്ങളില്‍ നിരവധി എ.ടി.എം കൗണ്ടറുകള്‍ അടിച്ചിട്ടിരിക്കുന്ന അവസ്ഥയിലാണ്. മസിനഗുഡി ടൗണില്‍ ഒരു എ.ടി.എം കൗണ്ടറാണുള്ളത്. ഇത് ദിവസങ്ങളായി അടച്ചിട്ടിരിക്കുകയാണ്.
ഇതേത്തുടര്‍ന്ന് ഇവിടുത്തെ ജനങ്ങള്‍ ഊട്ടി, ഗൂഡല്ലൂര്‍ എന്നിവിടങ്ങളിലേക്കാണ് പണം പിന്‍വലിക്കാന്‍ പോകുന്നത്. ഇത് വലിയ പ്രയാസമായിരിക്കുകയാണ്. ജനങ്ങളുടെ ദുരിതത്തിന് അറുതിവരുത്താന്‍ അധികൃതര്‍ക്ക് ഇതുവരെ സാധിച്ചിട്ടില്ല.